काठमाडौं । नेपालमा कोरोना संक्रमितहरुको संख्या ५ हजार पार गरेको छ । स्वास्थ्य तथा जनसंख्या मन्त्रालयका अनुसार अहिले नेपालमा कोरोना संक्रमितहरुको संख्या ५ हजार ६२ पुगेको छ । मन्त्रालयका अनुसार ८७७ जना डिस्चार्ज भएका छन् । कोरोनाका कारण ज्यान गुमाउनेहरुको संख्या पनि १६ पुगेको छ । शुक्रबार थप ४ सय ४८ जनामा कोरोना भाइरस संक्रमण पुष्टि भएको हो । हाल देशभरका क्वारेन्टिनमा १ लाख ५८ हजार ५० जना छन् भने आइसोलेसनमा ४ हजार १६९ जना छन्।
