काठमाडौं- पछिल्लो २४ घण्टामा नेपालमा १ हजार ३५१ जनामा कोरोना पुष्टि भएको छ। यो सहित नेपालमा कोरोना संक्रमितको कुल संख्या ७४ हजार ७४५ पुगेको छ। आज देशभर सक्रिय संक्रमितको संख्या १९ हजार ६२४ छ। जसमध्ये ८ हजार ६९५ जना संस्थागत आइसोलेसनमा र १० हजार ९२९ जना होम आइसोलसनमा रहेका छन्। आज पीसीआर १० हजार ८० जनाको पीसीआर परीक्षण गरिएको छ। हालसम्म नेपालमा ९ लाख ९८ हजार ४०७ जनाको पीसीआर नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ। हाल देशभर ६ हजार ३१० जना क्वारेन्टिनमा रहेका छन्। पछिल्लो २४ घण्टामा कोरोना संक्रमणमुक्त भएर ७४२ जना डिस्चार्ज भएका छन्। हालसम्म डिस्चार्ज हुनेको संख्या ५४ हजार ६४० छ। पछिल्लो २४ घण्टामा नेपालमा ४ जनाको कोरोना संक्रमणबाट मृत्यु भएको छ। यो सहित कोरोनाबाट मृत्यु हुनेको कुल संख्या ४८१ पुगेको छ।
