दुई टिपर एकाआपमा ठोक्किँदा एक महिलाको मृत्यु भएको छ। टिपरमा सवार मायादेवी गाउँपालिका–४ गुण्डी बस्ने ३५ वर्षीया सुनिता चौधरीको मृत्यु भएको हो ।
देबदह नगरपालिका–९ घोडाहास्थित सकडमा लु.१ क २५८४ नम्बरको टिपर र लु.२ ख १२१८ नम्बरको टिपर एकआपसमा ठक्कर खाई लु.१ क २५८४ नम्बरको टिपर पुन बा.२० च ५५१६ नम्बरको कारमा समेत ठक्कर खाई शनिबार दिउँसो दुर्घटना हुँदा चौधरीको मृत्यु भएको छ । गम्भीर घाइते भएकी चौधरीको लुम्बिनी प्रादेशिक अस्पताल बुटवलमा उपचारको क्रममा मृत्यु भएको प्रहरीले बताएको छ । घटनाबारे थप अनुसन्धान भइरहेको र दुबै टिपर चालकलाई नियन्त्रणमा लिएको प्रहरीले जानकारी दिएको छ ।