काठमाडौं । । रौतहटमा मंगलबार थप ५२ जनामा कोरोना संक्रमण पुष्टि भएको छ । रौतहटका पाँचवटा स्थानीय तहमा संक्रमित थपिएका हुन् । स्वास्थ्यकर्मीको निगरानीमा ‘क्वारेन्टिन’मा बसेका उनीहरुको अवस्था सामान्य रहेको जनाइएको छ । योसँगै रौतहटमा कोरोना संक्रमितको संख्या ९२१ पुगेको छ । यता, रौतहटका १८ वटै पालिकाको क्वारेन्टिनमा बस्नेको संख्या भने पाँच हजार ५६७ रहेको छ । कोरोना जितेर घर फर्कनेको संख्या भने ११० रहेको जिल्ला प्रशासन कार्यालय रौतहटले जनाएको छ ।
