काठमाडौं । बाराको जितपुरमा शनिबार बिहान गोली चलेको छ । विद्यार्थी प्रदर्शनलाई तितरवितर पार्न प्रहरीले ६ राउण्ड हवाई फायर गरेको हो ।
विद्यार्थीले जितपुरस्थित चौकी अगाडि रोकिराखेको प्रहरी भ्यानमा आजगनी गरेपछि प्रहरीले हवाई फायर गरेको हो । प्रहरी भ्यानमा आगजनी र हवाइ फायरपछि जितपुर तनावग्रस्त बनेको छ ।
जारी एसईई परीक्षा अन्तर्गत प्रदेश २ मा सञ्चालित परीक्षामा विज्ञान, सामाजिक, स्वास्थ्य तथा जनसंख्या विषयको प्रश्नपत्र बाहिरिएपछि शुक्रबार शिक्षामन्त्री गिरिराजमणी पोखरलेलले पत्रकार सम्मेलन गरी सम्पूर्ण परीक्षा स्थगत गर्न निर्देशन दिएका थिए । सोहीको विरोधमा विद्यार्थी आन्दोलनमा उत्रिएका हुन् ।
