प्रधानमन्त्री केपी ओली गृह जिल्ला आइपुग्नुभएको छ । जिल्लामा आयोजना हुने विभिन्न कार्यक्रममा सहभागी हुन आइतबार बिहान प्रधानमन्त्री झापा आउनुभएकाे हो ।
प्रधानमन्त्रीलाई भद्रपुर विमानस्थलमा प्रदेश नम्बर १ का प्रमुख सोमनाथ अधिकारी, मुख्यमन्त्री शेरधन राई, भौतिक पूर्वाधार तथा यातायातमन्त्री वसन्तकुमार नेम्वाङ, आन्तरिक मामिला तथा कानुनमन्त्री हिक्मत कार्की लगायतले स्वागत गर्नुभएको छ ।
प्रधानमन्त्रीसँगै पूर्वसभामुख सुवाशचन्द्र नेम्वाङ पनि सहभागी हुनुहुन्छ । झापामा रहँदा प्रधानमन्त्रीले दमक कृष्ण मन्दिरदेखि बेलडाँगी कालोपत्रे सडकको उद्घाटन, दमकबाट मोरङको मधुमल्ला जोड्ने मावाखोलामा बनेको पक्की पुलको उद्घाटन, दमक नगरपालिका–१ मा जनता आवासमार्फत निर्माण गरिएका घरको साँचो हस्तान्तरण गर्नुहुनछ ।
प्रधानमन्त्री ओलीले आइतबार अपराह्न बेलडाँगीमा आयोजित समारोहलाई सम्बोधन गर्ने कार्यक्रम समेत छ ।
