काठमाडौं, २७ जेठ । अन्तर्राष्ट्रिय मैत्रीपुर्ण खेलमा ब्राजिलले होन्डुरसमाथि शानदार जित हात पारेको छ । गएराति भएको खेलमा होन्डुरसमाथि ७–० को फराकिलो जित निकाल्दा बाज्रिल स्टार खेलाडी नेयमारबिना मैदान उत्रिएको थियो । नेयमारले चोटका कारण कोपा अमेरिका गुमाउनेछन् । बाज्रिललाई विजय बनाउन ग्याब्रियल जिससले २ गोल गरे । थिएगो सिल्भा, कौटिन्हो ,नेरस क्याम्पोस, फिर्मिन्होे र रिचर्डलिसनले गोल गरे । खेल सुरु भएको ६ मिनेटमै जिससले टोलीलाई अग्रता दिलाएका थिए ।
१३ औं मिनेटमा सिल्भाले २–० को अवस्थामा पुर्याए । ३७ औं मिनेटमा कौन्टिहोले बाज्रिलको अग्रता तेब्बर पारेका थिए । ४७ औं मिनेटमा जिससले ब्यक्तिगत दोस्रो तथा टोलीका लागि चौथो गोल गरे । ५६ औं मिनेटमा नेरसले गोल गर्दा ६५ औं मिनेटमा फिरमिनो र ७० औं मिनेटमा रिचर्डलिसन गोल गर्दै टोलीको जित ७–० ले सुनिश्चित गरे । २९ औँ मिनेटमा होन्डुरस १० खेलाडीमा सीमित भएपछि बाज्रिलले एकपछि अर्को गोल थपेको थियो ।
